Cirambayan atuh jadina, rek teu kitu kumaha nahan seuri bari seuri terus aya nu nahan hitut sedut cenah tisatukangeun, atuh puguuh jadi seuri deui da teukuat nahan, hadena deui ngadon dut hitut deuih ieu bujur teu kompromi pisan, pan nambahan rasa hayang seurina, geus kitu ujug-ujug torojol datang deuih babaturan sarua cengosna. gek diuk teu basa teu carita ujug-ujug sedut deui wae hitut atuh puguh nambah cirambayan nahan seuri.
Cilakana datang deui ajeungan anu dipika ajrih kusalelembur malah dikolotkeun pisan, teu aya anu wani neuteup kana raray ieu pangersa. Dumadakan haritamah ujug-ujug dut deui wae eta pangersa hitut....atuh kuring beuki teu wasa nahan hayang seuri, ieumah lain cirambayan deui malah tembus baseuh dina calana lantaran teu kuat nahan rek seuri tarik inggis nyinggung pangersa ari teu seuri dapuguh hayang seuri atuh maaang....
Naha bet kabeh jalema anu datang wanci eta bet ngadon haritut bari lain jalema jore-jore eta pangersa anu dipikaajrih oge ngadadak atuh sedut deui sedut deui hitutna teh...ammmpuun...
Teu cukup nepika dinya torojol deui si Miun bari mamawa map warna beureum cenah rek kapemda rek nyairkeun proposal bantuan bencana. Aalakadalah sedut deui wae eta si semprul hitut bari aya leuwihna ieumah, lantaran si Miun ngadon muringis pokna aduh ieumah hampura kaluar jeung bukurna dulur, atuh kuring ngagakgak teu kuat nahan seuri, ngabarakatak lain ukur uing ayeunamah kabeh anu bieu haritut karak nyadar mun bieu teh tas hitut berjamaaah...hahahah....
0 comments:
Post a Comment